Во Струга на 9-ти јули кај едно лице се пронајдени 139 семки од Канабис сатива, четири стебла, две метални дробилки и уште неколку предмети со остатоци од марихуана. Кај лице од Скопје, во автомобил истиот ден е пронајден кокаин.

На 9-ти јули 2021 година, во шумски појас во близина на граничниот премин „Ќафасан“ кај Струга, полициска патрола од ОВР Струга, пронајде и одзеде најлонска кеса со околу три килограми марихуана.

Алијанса на Албанците го обвинува градоначалникот Рамиз Мерко за нелегална градба на 5 викендички во автокампот Ливадиште во струшко Радожда. Мерко негира, негираат и од компанијата Елем турс, која стопанисува со автокампот.

Во струшката болница на три пункта тече процесот на вакцинација. Досега вакцинирани се 7000 граѓани, а 4500 примиле и втора доза. Во Струга нема ниеден заболен со корона вирусот. Модуларната болница е празна,а  последниот хоспитализиран пациент е испратен на 20 јуни.

Судскиот процес за струшката депонија денес се одржа на лице место. Судии, адвокати, тужители и вептаци вршеа увид на дивата депонија, која е во самиот град на само 500 метри до куќите. Тужителите бараат итна дислокации, адвокатите на општината велат проблемот може да го реши само Владата преку изградба на регионални депонии.

Продолжува пустошењето на боровите шуми во атарот на селото Лабуништа. И концесионерите на шумите, но и дрвокрадци од околината и Албанија ги соголија шумите на Јабланица. Активистите од Лабуништа бараат надлежните да преземат мерки во спротивно се заканија со протести и блокади.

На 23.06.2021 полициски службеници од ОВР Струга ги лишиле од слобода Р.Р.(19) и А.Р.(38), двајцата од Струга, постапувајќи по пријава добиена околу 19.00 часот од Медицински центар Струга, според која кај нив со повреди биле донесени Б.Х.(34) и Д.Х.(30), двајцата од Куманово.

Во среда во Паркот на поезијата во Струга ќе се одржи „Мини саем на книгата“.