Советот на општина Струга денес ја одржа четвртата редовна седница. На истата се расправаше по 21 точка од дневниот ред, меѓу кои предлог нацртот за статутот на општина Струга, предлог буџетот за 2018 и др. Пратениците на ВМРО – ДПМНЕ во знак на протест ја напуштија седницата после првата точка.

Во Струга и годинава нема да има организиран дочек на Новата година. Градските власти одлучија да не трошат пари на музичка програма, а штедеа и на новогодишно украсување. Туристичките работници сметаат дека треба да има централна прослава на отворено за привлекување на што поголем број туристи.

Половина година пречистителната станица за третман на отпадни и фекални води во близината на Струга е во тотален колапс, односно не работи, открива директорот на Јавното претпријатие Водовод Струга. Ваквата состојба е алармантна и веќе предизивикува еколошка катастрофа во реката Црн Дрим, и делумно во Охридскотo Езеро.

Стружани покажаа голем интерес за јавната дебата за буџетот и развојните прогрми на општината. Присутен беше и градоначалникот Размиз Мерко, кој истакна дека општина Струга мора да биде транспарентна и одговорна пред своите граѓани како и тоа дека буџетот за 2018 година бил проектиран согласно реалните потреби на градот и граѓаните.

Градот на две води, Струга, прави напори да го врати пливањето. Во овој град има еден пливачки клуб кој брои над 300 членови. Во лето пливачите некако се снаоѓаат за одржување на тренинзи, додека пак во зимскиот период тие за тренинг ги користат хотелските базени кои се премали за нормално одвивање на еден тренинг.

Стружани конечно ќе добијат затворен пливачки базен. Децениската битка за реконструкција на овој објект заврши успешно. Агенцијата за спорт и млади во програмата за 2018 година предвиде реализација на овој капителен проект кој е од огромно значење за градот.

ТВМ Телевизија неофицијално дознава дека утрово се случил грабеж во експозитурата на ТТК банка на влезот во Струга

Од Центарот за јавно здравје информираат дека Состојбата со квалитетот на водата од градскиот водовод во Струга е нормализирана. Објаснуваат дека вредноста на матноста е во граници на пропишаната и законски дозволена.