Лабуништани денеска на масовни протести, го блокираа патот Струга-Дебар. Повторно го кренаа гласот против каменоломите во селото, кои од септември ја активираа механизацијата. Револтираните жители тврдат дека една третина од населението во Лабуништа има респираторни заболувања поради штетните честички и правот кој го вдишуваат.

Најновите мерења на Управата за хидрометеоролошки работи покажуваат дека водостојот на реката Црн Дрим е зголемен.

Полициски службеници при сообраќајни контроли санкционираа возач во Струга со 4,07 промили алкохол во крвта.

Благодарение на брзата реакција на струшките пожарникари, пожарот не се прошири на околните згради и возилата во околината, велат од ЈП Комунално.

Струшката болница и покрај милионските долгови непречно функционира. Изминатава година зголемен е бројот на пациенти, оперативни зафати и интервенции на сите оддели. Од менаџментот велат се штеди електрична и топлинска енергија и се враќаат долгови.

Со меѓународни донации и поддршка од општината денес во Струга отворен Дневен центар за лица со посебни потреби во Струга. Конечно градот доби пристојно катче за згрижување, нега и едукација на оваа категорија деца.

Противпожарната единица Струга воспостави 24 часовен мониторинг на регионот. Со посебен сензорен систем и камери се мониторира состојбата во градот, селата и шумите во регионот. Струшките пожарникари годинава имаа 280 интервенции.

Решен деценискиот еко проблем во Лабуништа. Исчистена и затворена за одлагање отпад дивата депонија. Отпадот од најголемото село во земјава со 9000 жители ќе се транспортира на струшката депонија. И депонијата во Струга која е лоцирана во самиот град е нестандардна и дива, но организирана и редовно се одржува, велат од општината.