Денот на реката Дрим, на 5ти мај, ќе се одбележи во комплексот Св. Наум во срцето на реката Црн Дрим, односно на неговиот извор. Целта е да се подигне свеста меѓу локалните заедници за значењето на одржливото управување со сливот на реката Црн Дрим, информираат организаторите од Еколошкото Друштво „Грашница“.

Прекумерна сеча на дрва во Лабуништа. Оваа појава веќе ја загрижува месната заедница и жителите и реагираат, надлежните да излезат од своите канцаларии и на терен да видат што се случува. Тие стравуваат дека покрај тоа што ќе исчезнат белите дробови на населбата ќе биде загрозено и водоснабдувањето.

Лабуништа е мирно село. Таму 50 години мештаните не паметат дека се случил некој посериозен инцидент. Во нивното населено место нема ниту оружје, ниту проституција, ниту дрога, велат мештаните, со еден збор оваа населба е без инциденти.

Централната Власт нема ниту цигла поставено во Лабуништа и покрај предизборните ветувања кои години наназад ги добиваат од политичките партии, реагираат лабуништани. Исто така претседателот на Месната заедница Алија Тасими пренесе дека ниту од локалната власт не се слева ниту денар во нивната каса и покрај договорот со струшкото локално раководство.

Ризична депонија над Лабуништа, струшко. Мини градчето како што милуваат да го наречат лабуништани нивното населено место, кое се крие во една прекрасна природа, никако да го искоренат проблемот со дивите депонии. Наместо државата конечно да инвестира во изградба на регионална депонија со што долгорочно ќе се надмине проблемот со одлагањето на сметот, дозволува депонијата над селото да биде се поголема, но и да никнуваат и други мини депонии, се жалат мештаните.

„Саемот за наука и култура“ е несекојдневен настан кој што ги обединува сите науки, дисциплини, вери и нации во една заедничка дружба. Ова е пораката од менаџерскиот тим на приватното средно училиште „Јахја Кемал“. Денес во оваа приватна установа, посетителите на околу стотина штандови имаа можност да ги погледнат бројните проекти кои ги подготвија учениците од ова школо.

Тимот на организацијата „Фронтера“ Македонија, ќе организира активности со два различни настани, наменети за млади луѓе на возраст од 20 до 35 години, кои се од Охрид, Струга и поширокиот југозападен регион и кои сакаат да придонесат кон позитивни промени во својата заедница.

Лабуништа од село со прекрасна природа и чист воздух, се претвори во село на каменоломи. Мештаните бараат затворање на сите каменоломи во нивното село, како и повлекување на концесиите за работа на истите. Тие стравуваат дека поради работата на каменоломите им се уништува здравјето, но и животната средина. Лабуништани велат дека дозволите за концесии на каменоломи се издавале без да биде прашано локалното население.