Општина Струга ќе им помогне на граѓаните на Тетово чии домови настрадаа во поплавите во овој град. Со свои активности се придружува и клубот на млади на струшката организација на Црвениот крст кои веќе поставија пунктови низ градот.

Се чистат струшките плажи од времени угостителски објекти. Концесионерите револтирани, велат дека правдата ќе ја бараат на суд, бидејќи сметаат дека струшкиот градоначалник со издавање на решение за рушење не постапува согласно важечките закони во РМ. Градоначалникот Зијади  Села категоричен дека по истекот на концесијата  плажите во Струга ќе бидат чисти и слободни за посетители.

Во општина Струга два месеци слаб е притисоот на водата, а последниве два три дена се случувало и по неколку часови воопшто ја нема, реагираат локалните жители. Надлежните од Проаква Р. Е. Струга негираат дека има проблем со водоснабдувањето.

„Превенирај го хепатитот: од тебе зависи“. Под ова мото годинава се одбележува 28 , јули, Светскиот ден за борба против хепатитис.  Досега нема точни податоци за состојбата со ова заразно заболување за Струга и Охрид, но факт е дека хепатитисот има тенденција на пораст поради недоволна информираност за н чините на пренос и заштита. Навременото тестирање може да спаси живот, велат од здружението „Хепта“.

Аргетим Асани, заменик директор на Управата за јавни приходи на Македонија денеска околу 13 часот и 20 минути беше смртно застрелан во центарот на Струга.  Кон него било пукано од автомобил во движење. Владејачката ДУИ го осуди инцидентот но од таму велат дека Асани не е член на партијата.

Годинава, неговото трето издание се случува под мотото „На мускули“ што според организаторите е една метафора за финансиските потешкотии со кои се соочуваат при неговото организирање.

Поради постоење основи на сомнение за сторено казнено дело „Узурпација на недвижности “, полициската станица од Струга поднесе кривична пријава против В.К.В. (44) од Охрид.

Министерот за труд и социјална политика Диме Спасов  денеска ги посети децата, летувалци во одморалиштето „ Мајски цвет“. Детскиот џагор го оживеа ова одморалиште, каде престојуваат деца од семејства со социјален ризик, од семејства приматели на социјална парична помош, деца без материјална помош, деца без родители, како и деца со пречки во развојот, во рамки на проектот за бесплатен одмор кој го спроведува Владата на Македонија.