НУ Музејот д-р Никола Незлобински подготвува интересна музејска поставка во Враништа, струшко. Целокупната археолошка материја од локалитетите во Враништа што се откриени изминативе 50 години ќе бидат презентирани пред научната и стручна јавност, како и пред сите љубителите на културното наследство. Директорот проф. Д-р Сашо Цветкоски, вели дека овој битен проект е дел од теренската програма која музејот треба да ја реализира до средината на оваа година.
„Значи тоа ќе го изложиме и ќе го презентираме во една интересна збирка која ќе опфати период од праисторија до среден век, доцен среден век и нашето современие, ќе има археологија, историја на уметност и етнологија. Оваа поставка во Враништа треба да се промовира на 3 јуни, значи тоа е еден голем и значаен проект ние веќе правиме селекција на предмите што ќе бидат изложени таму се разбира тоа и од просторните можности ќе ни дозволи екстензивноста и наративноста на самата поставка како ќе ја направиме“– вели Цветкоски.
Но тоа не е се. Годинава за прв пат на Денот на музеите 18 мај, ќе биде презентирана и музејската поставка на археолошката материја и од локалитетот на устието на реката Црн Дрим, најавува Цветкоски. Тој додава дека тоа досега никогаш не било објавено.
„Ние изминатите месеци работевме на една целосна ревизија на музејските предмети и експонати и она што го видовме заслужува да биде презентирано, бидејќи некаде само 700 предмети имаме само од устие на Дрим. И нормално на уште неколку локалитети кои се во Струга за кои стружани и не знаат дека на одредени места одредени куќи лежат под некои локалитети. Во рамките на устието на Дрим припаѓа и локалитетот од тој период значи праисториски, припаѓа и најголемиот материјал што ќе биде изложен во Враништа“– објаснува Цветкоски.
Промоцијата на културното наследство влегува во туристичката мапа, на места кои заслужуваат да се посетат, вели Цветкоски. Тој нагласи дека и годинава продолжуваат со ископини на проектот Врбник, ќе прават увид на мозаиците на базиликата во Радолишта кои што 40 години не биле опсервирани, а како проекна активност било и проширување на дел од поставката во Локов како дел од одбележувањето на 70 годишниот јубилеј од формирањето на Првата македонско ударна бригада.
{loadposition content9}
