Управувањето со цврстиот отпад ќе оди со средства на ИПАРД фондовите. Оваа одлука едногласно ја прифатија градоначалниците на југозападниот регион. Со тоа пропаѓа идејата за издавање под концесија на локација за изградба на регионална депонија. Претседателот на Советот на Југозападниот регион Рамиз Мерко вели дека иако не ги добиваат потребните средства од државата тие ќе настојуваат да дадат приоритет на оние општини кои досега воопшто не добиле проект.
На денешната седница на југозападниот регион беше претставена и физибилити студијата за собирање, одведување и третман на отпадни води на потегот Градиште до комплексот Св. Наум. Изготвувачот Ангел Панов, вели дека одбрана е најпогодната според нив инвестициска вредност за овој голем проект, од 2 милиони евра што секако општините најнапред треба да изнајдат средства како гаранција за да се отпочне.
Доколку би се реализирал овој проект би се добила заштита на Охридското Езеро од највисок степен. Исто така и околните туристички места Пештани, Трпејца, Љубаништа, би се препородиле бидејќи одлевањето на шахтите ќе замине во историјата, смета Панов. Доколку се испаден како што терба овој проект би се реализирал до 2015 година.
Министерот за екологија Абдулаќим Адеми иако беше најавен, не дојде на седницата поради задолжително присуство на итната седница на Влада.
