Испративме тешка година. Ваков е ставот на пратеничката Лилјана Затуроска од владеачката ВМРО – ДПМНЕ од Струга за изминатата 2010год. Затуроска категорична оти започнатите проекти од минатата година треба да се реализираат, но најави и многу новитети. Таа додаде дека во 2011 година очекуваат закрепнување на економски план, не само на Струга туку воопшто и на целата земја.Затуроска планира развој на руралниот туризам во Струга. Тука таа гледа голем потенцијал на можности за инвестирање.
Кога се работи за инвестиции во Струга, не е рамнодушен и пратеникот Тахир Хани, координаторот на политичката опција ДИТ. И за него туризмот претставува стопанска гранка која треба сеуште да се развива и во неа да се инвестира.
Хани смета дека кога се работи за Струга треба да се воспостви подобра комуникација и координација со Централната власт, како би се апсорбирале сите можни финансии од таму, се разбира во насока кон Локалната власт.Тој потенцира дека мултиетничкиот соживот во Струга е подобрен, што продуцира и подобра иднина.
{loadposition content9}
