На официјалната веб-страница на општина Струга е лансирана нова опција за пријавување на проблеми.
Преку оваа услуга, секој граѓанин има можност лесно да пријави проблеми со кои се соочува во заедницата, како што се: инфраструктура, јавно осветлување, хигиена и чистота, јавен ред и безбедност, како и други прашања од јавен интерес.
–Пријавувањето на проблемите овозможува побрза и поефикасна реакција од страна на општинските служби и придонесува кон создавање на подобра, побезбедна и пофункционална заедница за сите, велат од општината.
Оттаму ги повикуваат граѓаните активно да ја користат оваа можност и да придонесст за подобрување на квалитетот на живот во градот.
https://report.struga.gov.mk/
