Советниците дирекно во неколку наврати како главен виновник за тоа го посочија ЈП „Комунално“. И ТВМ во неколку наврати информираше за грдата слика со градежниот шут и комуналниот смет на дел од плажите во Струга. Денес на оваа тема проговори и советникот на ВМРО – ДПМНЕ, Никола Затуроски, од каде што доаѓа и директорот на ЈП, Петко Кутаноски.
Тој истакна – „Ние сме сведоци, секојдневно ги гледаме сите овие работи каде што се растура шут на секоја страна после рушење на објекти каде што се фрла ѓубре на секоја страна. Факт е дека комуналното претпријатие функционира така како што функционира, меѓутоа сметам со малку поригорозна политика од страна на општинската администрација, Струга ќе ја направиме малку почиста. На што мислам на казнување на секој оној кој ќе ги прекрши оние принципи кои што се со закон заштитени. По мене мислам дека сите оние општини кои што функционираат многу подобро од нашата ние само треба да копираме одредени работи за да бидиме што подобри, а не да одиме со глава во зид“.
