Вандали ја нагрдија „Василичарска епопеја“, првиот мурал кој го разубави Вевчани
![](/wp-content/themes/yootheme/cache/4f/%D0%BE%D1%81%D1%82%D0%B5%D1%82%D0%B5%D0%BD-%D0%BC%D1%83%D1%80%D0%B0%D0%BB2-e1700662077374-4f0f403d.jpeg?x28309)
Mуралот „Василичарска епопеја“ во центарот на Вевчани не издржа ниту три дена. Монументалното дело, прво во Вевчани е оштетено. Министерката за култура Бисера Костадиновска Стојческа го осуди вандалскиот чин на оштетување на муралот
![](https://tvm.mk/wp-content/uploads/2023/11/остетен-мурал.jpg?x28309)
„Василичарска епопеја“ во центарот на Вевчани, поддржан од Министерството за култура е израз на почит кон вевчанската традиција, историја и култура и треба да се вреднува како општо национално добро. Неприфаќањето на уметничкото облагородување на јавен простор, што ја засилува убавината на Вевчани, не користи никому, а уште помалку да е предмет на поделби од каков било вид. – објави министерката.
Министерката додаде дека очекува осуда за ваквиот чин и од локалната власт и постапување на надлежните органи за откривање на сторителите кои го уништија делото, а кое е активен придонес во збогатувањето на животот на Вевчани и на посетителите на општина Вевчани.
Ова вредно и оригинално уметничко дело беше промовирано на 19ти ноември, и е приказ на целата церемонија и приказна на вевчанската вековна традиција.
![](https://tvm.mk/wp-content/uploads/2023/11/402655934_847380640724755_5653558361719054866_n.jpg?x28309)
Муралот оддава почит на богатиот културен опус на Вевчани, овековечувајќи го наследството на нашиот негуван Вевчански карневал – еден од најстарите европски и први карневали во државата, зачленет во Светската карневалска федерација.
![](https://tvm.mk/wp-content/uploads/2023/11/402431945_847380714058081_6205306262166082865_n.jpg?x28309)
Проектот кој ја доби поддршката од Министерството за култура ја надминува естетиката и е доказ за нашата посветеност да го зачуваме и славиме нашето културно наследство. Мотивот на муралот одлично се вклопи во просторот и контекстот, а Вевчани дополнително се оживеа благодарение на големата површина на муралот и живите бои.