Отворен ден во веслање и Државно првенство во сабота во Струга

Веслачката федерација на Република Македонија ги поканува сите љубители на водените спортови на првиот Отворен ден во веслање, кој ќе се одржи на 20 јуни (сабота) во Автокамп АС – Струга, од 08:00 до 11:00 часот, каде ќе се одржи и Државното првенство во веслање.

Кко што информираат организаторите, посетителите ќе можат да се запознаваат со веслањето и неговите придобивки, да остварат средба со тренери и активни веслачи, но и да ги следат трките од Државното првенство.

Настанот се организира во рамки на проектот „Веслање без бариери“, ко финансиран од Европската унија.