Општина Вевчани стана дел од престижната листа на најдобрите топ 100 зелени дестинации за 2022 година. Секоја година, натпреварот Top 100 Green Destinations избира одржливи туристички приказни и добри практики од дестинации ширум светот за да бидат споделени како инспиративни примери.
Избраните дестинации добиваат признание за решенијата што ги имплементирале како одговор на предизвиците и проблемите со кои се соочуваат.
Се надевам на крајот ќе бидеме на светска мапа на зелени дестинации, каде што оние туристи кои се заинтересирани за таков вид на туризам ќе не препознаат и нормално ќе не посетат. И тука ќе останат повеќе од оние што секогаш ги спомнуваме туристи на минување него сакаме да ги задржиме тука барем на еден викенд ако не повеќе – вели Спасе Кочовски, градоначалник на општина Вевчани.
Здружението за одржлив развој и претставници на Green Destinations за Македонија, работат со општината и локалната заедница, особено туристичкиот сектор, на нивно образование, обука и вклучување во методите за развој на одржлив туризам.
Тука се исто вклучени не само Вевчани со своите природни убавини туку и локалниот бизнис од делот туризам. Имаме четири ресторани, коњичкиот клуб, и локални приизводители на препознатливи производи претежно производители на мед имаме вклучени како автентичен вевчански производ – додава Кочоски.
Општина Вевчани како прва одржлива дестинација во Македонија, ќе биде модел кој ќе послужи како инспирација и ќе се преслика на други дестинации низ државата.
Новинар : Соња Рилковска
