Никола Кутаноски, триесет и пет годишен тренер по пливање и триатлон од Радожда, кој петнаесет години живее во Струга, синоќа сонувал дека шета со светиот крст и дел од собраните средства ги донира за изградба на црквата кај Женска плажа. Токму тоа била и причината што по 10- ти пат скокнал по крстот во студениот Дрим.
Скокам десетти пат по крстот. Секоја година од исто место и иста страна. Прв пат го фаќам. Чуството е неописливо. Ноќеска сонував дека годинава ќе шетам со крстот и дел од собраните пари ги донирам за изградба на црквата кај Женска плажа во Струга. Со таа цел дојдов и со таа цел скокав – изјави Кутаноски.
На најсреќниот кој го извади чесниот крст од водите на Црн Дрим, Црквата, годинашните кумови браќата Тoмче и Стефчо Голабоски и голем број верници го даруваа со пригодни подароци.
