Директорите на македонската и албанската Царинска управа извршија увид на граничниот премин Ќафасан, во однос на воспоставувањето едношалтерски ситем – заеднички контроли. Проектот е во завршна фаза, граничните формалности со едно застанување ќе значат олеснување на трговијата, транспортот и протокот на патници.
На Ќафасан е веќе воспоставена приоритетна лента за сите товарни возила од земјите од Отворен Балкан.
„Во моментов во царинската управа во подготовка се проекти за зголемување на бројот на сообраќајни ленти и автоматизација на граничниот премин. Сите овие активности се во насока на побрзо завршување на царинските постапки намалување на трошоците и подобрување на конкурентноста на домашните компании на меѓународниот пазар”, истакна Стефан Богоев директор на Царинска Управа на С. Македонија.
Протоколите со Албанија за имплементација на „one-stop shop” на преминот Ќафасан – Caftane беа потпишани во ноември лани.
„Тука сме за еден многу важен проект за едношалтерски систем (one stop shop) кој ќе го подобри животот и бизнисот не само во Северна Македонија и Албанија, туку и во регионот”, истакна директорот на Царинска Управа на Албанија Генти Гажели.
Инфраструктурните зафати се очекува да завршат за неколку месеци и конечно да стартуваат заедничните гранични контроли.
Идејата за воспоставување на one stop shop на граничниот премин ќафасан беше востановена во 2018 година. Завршија сите административни процедури остануваат инфраструктурните зафати.
