Живописниот град Струга беше домаќин на 8-миот Меѓународен натпревар во џудо, на кој се натпреварува аповеќе од 600 џудисти од 67 различни тимови.
Она со што се истакна натпреварот оваа година е тоа што за прв пат во земјава беше организиран инклузивен џудо натпревар на кој учесниците со интелектуална попреченост од Македонија, Србија и Романија ги покажаа своите неверојатни вештини во рамки на проектот Џудо за сите, поддржан од Европската Унија во партнерство со џудо клубови од Македонија (Judo club DrimStruga), Србија (Judo club Makikomi) и Романија (Asociatia Judeteana de Judo Mehedinti) и Порака Нова.
На настанот, организиран од струшкиот Џудо Клуб Дрим – Струга и поддржан од Порака Нова-Струга, учествуваа локални, регионални и џудо клубови од неколку Европски земји. Главниот натпревар се одржа на 24 јуни, а потоа наредните три дена следуваше инклузивен тренинг камп кој заврши на 28 јуни.
Натпреварот обезбеди платформа за спортистите со интелектуална попреченост да се истакнат во боречката вештинана џудо и поттикна средина на инклузивност, прифаќање и меѓусебно почитување. Спортисти, тренери и домашна и странска публика се собраа во Спортскиот комплекс Тими Струга за да бидат сведоци на извонредниот атлетизам, дисциплина и дух кој го носи самото џудо.
