©2008 - Сите права се задржани. Powered by TVM.


Најмалку 12 загинати

Автобус со полјаци се преврте во Хрватска

Најмалку 12 лица загинаа, а десетици се повредени откако автобус со полски регистерски таблички утринава излетал од автопат во Хрватска.
 |  инфодеск  | 
Автобус полјаци несреќа

Хрватската полиција потврди дека досега најмалку 12 лица го загубиле животот, а десетици се повредени во автобуската несреќа која се случи утринава во Хрватска, кога автобус со полски регистарски таблички, од засега непознати причини, излетал од автопатот А4 додека се движел кон главниот град Загреб.

Шест повредени лица се пренесени во КБЦ „Загреб“, клиничката болница во Дубрава, како и трауматолошката клиника, пренесува хрватски „Јутарни лист“.

Потпретседателот на Владата и министер за внатрешни работи на Хрватска, Давор Божиновиќ, на прес-конференција соопшти дека информацијата за несреќата пристигнала од полска државјанка која била во автобусот, по што биле ангажирани сите надлежни служби кои, според него, реагирале навремено. Во автобусот, како што кажа се превезувале 43 патници, но сеуште се чека целосната листа на патници.

Иако засега нема официјални информации која е причината за несреќата, според неофицијални информации, најверојатно, возачот заспал при управувањето со возилото.

Во несреќата загинале поголем број на лица кои биле тешко повредени. На местото на настанот заедно со полициските службеници од Вараждин и Загреб се ангажирани повеќе екипи од заводот за Итна медицинска помош од подрачјето на Вараждин, но и Загреб, како и пожарникари од двете жупании – соопштија од хрватската полиција.

Полицијата е на самото место и започна со увидот, а можат да се забележат и голем број возила на Итната помош како и пожарникари кои помагаа во извлекувањето на патниците.

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top