Со тоа тој на коцка ќе го стави својот личен и угледот на неговата Лабуристичка партија.
Одлуката за испраќање на 45.000 војници за напад на Ирак во 2003 година е најконтроверзната одлука за време на неговиот десетгодишен мандат која се уште предизвикува кавги, поделби меѓу лабуристите и обвинувања дека со оваа одлука Блер ја доведува јавноста во заблуда оправдувајќи ја војната.
Седум години по падот на Садам Хусеин и по три години од заминувањето на Тони Блер, ова прашање се уште предизвикува лутина.
Родителите на некои од 179 – те британски војници загинати во Ирак ќе се приклучат кон антивоените протести пред зградата во која ќе се одржи сослушувањето и ќе бараат Блер да се прогласи за воен злосторник.
Некои од лабуристичките челници стравуваат дека истрагата, а особено сведочењето на Блер, повторно ќе предизвика силни емоции меѓу избирачите и така ќе се намали јавната поддршка на партијата која веќе заостанува зад конзервативната партија непосредно пред изборите во јуни.
„Тоа е клучен ден за него, за британската јавност и за моралниот авторитет на Велика Британија во светот .Тоа е голем ден, многу поважен од него самиот и неговиот личен углед“ рече Антони Селдон, политички коментатор и биограф на Блер.
{loadposition content9}
