Според иницијативата наречена Програма за развој на комуникациските можности (Communications Capabilities Development Programme), податоците ќе се чуваат една година и ќе им бидат достапни на тајните служби.
Сигурносната шема ќе бара од интернет-провајдерите, операторите на фиксна и мобилна телефонија да ги следат своите клиенти, и сето ова поради борбата со терористите.
„Британија веќе е една од најшпионираните нации надвор од Интернет-мрежата, а ова е обид на истиот начин да се следи и нашиот онлајн-живот“, изјави директорот Ник Пиклс на организацијата Биг брадр воч (Big Brother Watch) за Дејли меил.
Планот треба да почне да се реализира во мај годинава. Ова е нова верзија на стариот план претставен во ноември 2009, кој беше повлечен поради недостиг од поддршка на јавноста. Тогаш критичарите тврдеа дека планот ќе овозможи „безгрижно снимање на приватноста“.
{loadposition content9}
