Чудесниот Меси испиша историја
Дали овој рекорд некогаш ќе биде срушен?
Со два погодоци кои ги постигна со Гранада, феноменалниот Аргентинец стигна до голем јубилеј.
Имено, Лионел Меси во саботата ги постигна својот 400 и 401 гол во кариерата. Од своето деби (октомври 2004) за првиот тим на Барселона овој виртуоз постигна 359 голови во сите натпреварувања (Примера, Куп на кралот, Лига на шампиони, Супер-куп на Шпанија, Супер-куп на Европа, Светско клупско првенство). На ова треба да се придодадат 42 погодоци за репрезентацијата на Аргентина и сега е на бројка од 401 погодок во кариерата, пишува El Mundo Deportivo, “нечуено за играч со само 27 години”.
Меси во јуни 2015 ќе го прослави својот 28 роденден и нема сомнение дека дотогаш значително ќе го зголеми своето конто на голови.
Колку е неговиот учинок инпресивен најдобро сведочи податокот дека е многу блиску до напаѓачите од светска класа – во целата кариера Тиери Анри постигнал 407, Бразилецот Роналдо 414, а Раул 423 голови.
Кристиано Роналдо засега е на 429 погодоци, но Португалецот е две години и четири месеци постар од Меси, а покрај тоа му требале 106 натпревари повеќе за да ја достигне бројката 400.
{loadposition content9}
