Доналд Трамп прогласи победа на претседателските избори во САД

Поранешниот претседател Доналд Трамп се обрати откако ја обезбеди својата трета победа на бојното поле со освојување на Пенсилванија, приближувајќи го до победата во Белата куќа. 

„Сакам да му се заблагодарам на Американскиот народ за исклучителната чест да бидам избран за ваш 47-ми и 45-ти претседател. До секој граѓанин: Ќе се борам за вас, за вашите семејства и вашата иднина. Секој ден ќе се борам за вас до последниот здив, нема да застанам се додека не ја испорачаме силната и просперитетна Америка која ја заслужуваат нашите деца, но и вие. Ова навистина ќе биде златното доба на Америка, тоа ни е потребно. Ова е брилијатна победа за американскиот народ и која ќе ни овозможи повторно да ја направиме Америка голема!“ – изјави Трамп при неговото обраќање.

Премиерот на Македонија Христијан Мицкоски му честиташе веднаш по неговото обраќањето пред поддржувачите во Палм Бич, Флорида, каде прогласи победа на изборите.

„Оваа победа е потврда на длабоката верба на американскиот народ во принципите на слободата и демократијата. Со нетрпение очекуваме натамошно продлабочување на нашето цврсто партнерство и соработка, особено во областите на безбедноста, економскиот развој и демократските реформи“, стои во честитката на Мицкоски

Фото: Associated Press