Во експлозијата која се случила минатата ноќ на аеродромот Sabiha Gocken во Истанбул настрадале две лица задолжени за чистење на авионот на Pegasus, но причината за експлозија засега не е позната, соопштила авио-компанијата.
Авиопревозникот соопшти дека експлозијата се случила околу два часот по полноќ, кога во близина немало никој и се случила во делот за оддржување на авионот повредувајќи притоа два члена на одделот задолжен за чистење на авионите.
Полицијата опремена со заштитни прслуци и пушки воспостави безбедносни мерки на влезовите на аеродромот и истовремено ги проверувала возилата во поширокото подрачје околу аеродромот, додека хеликоптер го надлетувал реонот, јави турската агенција Anadolia.
Како што јавува агенцијата, двајцата повредени се наоѓаат во болница, а еден од нив се здобил со потешки повреди.
Официјален претставник на аеродромот во кратка изјава рекол дека нема пореметувања во полетувањата и слетувањата на авионите и дека се истражуваат причините и околностите за инцидентот.
