Накит со вкупна вредност од 860 илјади евра беше украден вчера на најголемиот саем на естетска уметност во светот – „Тефаф“, во јужниот холандски град Маастрихт.
– Прстен со голем сафир и ѓердан со дијаманти, во сопственост на лондонската продавница за накит „Ханкук“, беа украдени, изјави портпаролката на саемот.
Прстенот, кој бил со 11,23 карати и ѓерданот, 7,23 карати, изложени на штандот на „Ханкук“, исчезнаа меѓу 17 и 18 часот по локално време.
Околностите околу кражбата се уште не беа разјаснети до синоќа.
Европскиот саем за естетска уметност „Тефаф“, кој беше отворен на 12 март, заврши вчера. Неговото 23-то издание беше посетено од 73.000 лица, кои може да избираат меѓу слики, скулптури, мебел, накит, порцелански предмети, луксузна облека и вредни ракописи.
{loadposition content9}
