Говорејќи за статистиката на најпопуларниот видео сервис на светот, директорката на Google, Susan Wojcicki, рекла дека денес околу половина од посетите на YouTube доаѓаат од мобилни уреди. Тоа е зголемување во однос на минатиот период кога од компанијата напоменале дека уделот од мобилните уреди изнесува 40%.
Освен за бројот на посетители на овој сервис, Wojcicki рекла дека во нивната компанија размислуваат и за начинот на наплата за гледање на содржините на YouTube како алтернатива за прикажување на огласите при гледање на видеата, што е моментално главен извор на нивната заработка. Досегашниот начин на работа на YouTube (содржината е бесплатна, но се прикажуваат огласи) овозможи да привлечат повеќе од милијарда корисници, но Wojcicki верува дека ќе дојде до моментот кога на луѓето ќе им здосадат огласите и ќе сакаат да ги гледаат содржините во кои нема да има ниту еден оглас. Таа го опишала претплатничкиот модел како интересен, а на Guardian вели дека претплатата на YouTube не е новитет, бидејќи компанијата прв пат ова го претставила кон средината на минатата година кога оваа опција ја овозможиле на некои видео канали на овој сервис. Ним им е дадена можност за наплата за гледање на некои видео-записи и им припаѓа 55% од заработката.
Сепак, минатата година од National Geographic (канал кој имал можност за наплаќање) признале дека наплатата по пат на YouTube не им оди баш најдобро и се отворило прашањето колку корисници би платиле на сервис на кој се навикнале видео-записите да се бесплатни.
“Ако ги погледнете медиумите, повеќето имаат и претплата и огласи”, коментирала Wojcicki, но не рекла кога оваа опција на наплата би можела да се воведе.
Освен воведување на претплата на YouTube, Google веќе некое време припрема и YouTube музички сервис, но не е познато кога овој сервис ќе биде достапен за корисниците.
{loadposition content9}
