Германскиот европратеник со грчко потекло Јоргос Шацимаркакис оценува дека Грција поради должничка криза со која се соочува има потреба од нов имиџ и предлага ново име за меѓународна употреба кое ќе и помогне на земјата за нов почеток.
– За многумина во Европа името Грција асоцира на нефункционален политички систем, непотизам. Како дел од еден чесен нов почеток грчкиот Устав треба да се промени и земјата да се преименува во Хелас на сите јазици, вели Шацимаркакис во неделното издание на германскиот весник „Билд“.
Тој појаснува дека „Хелас“ е името кое Грците го користат за именување на нивната земја.
Според него, Атина мора да го отфрли постојниот политички систем и целосно да го замени. Уште поважно, оценува Шацимаркакис, парите кои Европа и ги дава на Грција одат за отпклаќање на долгот, но не го решаваат проблемот на земјата.
– На Грција и е потребен економски раст. Само тогаш таа може да ја преземе одговорноста за својот долг, смета европратеникот кој е од партијата на Слободни демократи.
Преговорите околу вториот пакет за спас на земјата Атина требаше да ги заврши во неделата на полноќ.
{loadposition content9}
