Историска посета на Папата Бенедикт на Светата земја

Папата ќе побара контрола врз повеќе христијански светилишта за време на неговата посета на Светата земја.
Во Израел со нетрпение ја очекуваат историската посета на папата Бенедикт шестнаесети на Светата земја, која ќе почне идната недела.
Но, спорот за контролата врз редица христијански светилишта може да го помрачи празникот, проценувата агенциите.
Претставници на Светата столица јасно им соопштија на израелските власти дека планираат да го повторат барањето за враќање во владение на главните христијански светилишта на територијата на Израел.
Станува збор за предавање под владение на Ватикан на Трпезаријата, во која според Библијата се оддржала Тајната вечера во планината Цион крај Ерусалим, црквите во Назарет и во планината Нахум до Галилејското море, соопшти израелското воено радио Галеј Цахал.
Претседателот Шимон Перес ја поддржа молбата на Ватикан и се обидува да изврши притисок за ова прашање врз министерот за внатрешни работи Ели Ишај, кој не се согласува со барањето на Католичката црква.
Во секој случај, конечната одлука најверојатно ќе ја донесе премиерот Бенјамин Натанјаху.

 

{loadposition content9}