Истрагата по исчезнатиот МН370 тргнува и под вода

Бидејќи досегашната истрага по исчезнатиот малезиски авион не дала резултати, австралиската морнарица одлучила да прати мини подморница под вода.

„Бродот Океански штит денес ќе престане да истражува по океанот и наместо тоа ќе биде ангажирана мини подморницата Блафин21“, рекол началникот на здружениот координативен центар за истражување и некогашен командант на оружените сили на Австралија, Ангус Хјустон.

Тој потсетил дека последниот сигнал за кој се сомневаат дека потекнува од исчезнатиот МН370 е регистриран пред шест дена, пренесува агенцијата AFP.

“Веќе шест дена немаме регистрирано никаков сигнал, па претпоставуваме дека е време да се спуштиме под површината на водата“, наведува Хјустон на конференцијата за печат во Перт.

Тој додава дека на подрачјето на истрагата денес е забележана нафтена дамка, и земени се примероци на течноста заради тестирање. „Истакнувам дека треба да се одреди од каде потекнува тоа гориво, но дамката е воочена на 5,5 км од местото на кое се регистрирани сигналите“, рекол Хјустон.

{loadposition content9}