Поранешниот велосипедист Ленс Армстронг, кој стави крај на својата кариера откако беше откриено дека сите успеси ги постигнал со помош на допинг, е најомразениот спортист во САД, објави „Форбс“. 
Во средината на јануари, Армстронг во шоуто на Опра Винфри и официјално го призна користењето на недозволени допинг средства, по што ја навлече кон себе омразата од навивачите и спортските вљубеници.
Во октомври минатата година Ленс Армстронг беше доживнотно дисквалификуван од Меѓународната велосипедска организација, бришејќи му ги сите резултати и освоени трофеи поради користењето на допинг. Неговата исповед кај Опра Винфри и ставот дека речиси сите велосипедисти употребуваат допинг, сепак, не му помогна на Армстронг да го придобие мнението на спортските фанови.
{loadposition content9}
