Мерцедес повлекува 147.000 автомобили

Опасноста ја носи гумениот затворач под капакот од моторот кој може да падне во издувниот систем. Со тоа Мерцедес во САД повлекува повеќе од 147.000 автомобили, а станува збор за лимузинскиот CLS и лимузинската и караванска верзија на Е-класата произведени во периодот од 2013 до 2015 година, пренесува Reuters.

Како што известува американската агенција за безбедност во сообраќајот NHTSA, опасност претставува гумениот затворач под капакот од моторот кој може да падне во издувниот систем и така да го зголеми ризикот од пожар. Во Мерцедес порачуваат дека американските продавачи на автомобили ќе започнат да ги известуваат сопствениците за да можат проблемот да го отстранат.

Мерцедес и минатата недела поради сличен проблем повлече околу 149.000 CLS-и и Е-класа во Европа и Кина.

{loadposition content9}