Дали на крајот Windows 10 ќе биде точно она што корисниците, но и самиот Microsoft, го сакаат и го очекуваат, тешко е да се каже, но ако се суди според иницијалната верзија за тестирање, работите се интригантни и интересни.
На официјалниот блог, еден од корисниците на Microsoft, Јое Belfore, објавил податок дека само минатиот викенд на Windows Insider, кој овозможува превземање и тестирање на Windows 10, се регистрирале преку милион корисници. Дали веднаш го инсталирале не е познато, но истакнато е дека 200.000 корисници му вратиле на Microsoft за тоа како го перцепирале новиот Windows, односно што им се допаднало а што не. Токму тоа и беше целта на Microsoft, кој со Windows 10 сака да креира оперативен систем во кој ќе биде важно мислењето на самите корисници. Всушност, тоа е и поентата на приказната, крајните корисници да бидат задоволни од производот, но сепак на крај конечната одлука за тоа како ќе изгледа и кои функции ќе ги има Windows 10, ќе го има Microsoft.
Спрема извештаите кои се пренесени на блогот, 64% од корисниците кои го превзеле Windows 10 Techical Preview го инсталирале на своите компјутери, додека 36% искористиле виртуелни машини за да го тестираат Windows 10.
Во Microsoft истакнуваат дека се задоволни со ваков одзив на корисниците на првата верзија на новиот оперативен систем и иако официјалното пуштање на Windows 10 се очекува за идната година, нема сомнение дека до финалната верзија ќе има многу расправи помеѓу корисниците, што докажува и првиот милион корисници кои расте од ден на ден.
{loadposition content9}
