Мировниот процес во Северна Ирска продолжува

Мировниот процес во Северна Ирска нема да запре, и покрај убиството на двајцата британски војници, е оценката на британскиот премиер Гордон Браун.

“Она што го видов е единство на народот во Северна Ирска и единство на политичките партии“, рече Браун, кој престојуваше во овој дел на Обединетото кралство.

Браун ја посети воената база во која изминатиот викенд беа убиени двајца британски војници во напад за кој одговорноста ја презеде групата Вистинска ИРА.

“Испраќаме порака во светот дека политичкиот процес никогаш нема да биде нарушен. Всушност, политичкиот процес сега е неповратен“, изјави британскиот премиер.

 

 

 

{loadposition content9}