Минатата вечер жителите на Европа, вклучувајќи и неколку земји на Балканот, почнаа да споделуваат фотки на социјалните мрежи од необична сина, спирална светлина на небото која постепено се движела од запад кон исток.
Според Business Insider, со оглед на описот и претходните слични појави, многу е веројатно дека станува збор за истекување гориво од неодамна лансираната ракета „SpaceX“ од Флорида. Експертите потврдија дека овие светлосни спирали обично се случуваат кога ракетите испуштаат остатоци од гориво во горниот дел од атмосферата.
Инаку, „SpaceX“ во саботата ја лансираше својата ракета „Falcon 9“ од базата на вселенските сили во Калифорнија.
