Компанијата „Тепко“, која управува со јапонската нуклеарка Фукушима, соопштила дека силниот дожд предизвикал истекување на радиоактивна вода, која содржи канцедроген изотоп, во морето.Водата, која на едно место ја пробила бариерата, е контаминирана со стронциум-90 за 70 пати повеќе од законско дозволеното.
Стронциум -90 се создава во текот на нуклеарните реакции, се акумулира во коските и е активна со години, предизвикувајќи различни видови на рак.
Ова го соопштила компанијата „Тепко“ откако експертскиот тим на Меѓународната агенција за нуклеарна енергија го заврши својот извештај за напредокот на Јапонија во чистењето на последиците од катастрофата.
Силниот дожд ги зголемува проблемите бидејќи паѓа врз загадената површина и таа брзо се контаминира што значи дека мора да биде сочувана и деконтаминирана.
{loadposition content9}
