Лидерот на терористичката организација Ал Каеда, Осама бин Ладен го предупреди денеска во аудио порака американскиот народ на блиски врски на Владата на САД со Израел оценувајќи дека претседателот Барак Обама е немоќен да ги запре војните во Ирак и Авганистан.

Невладината организација Хрватско културно движење ќе ја објави кандидатурата за претседател на Хрватска на генералот Анте Готовина, кој е обвинет од Хашкиот трибунал за воени злосторства, извршени врз Срби за време на операцијата „Бура“.

Венецуелскиот претседател Уго Чавес соопшти дека неговата земја ќе купи руски ракети со дострел од 300 километри, согласно повеќето постигнати договори со Москва.

Земјотрес со интензитет од 4,7 степени според Рихтеровата скала го потресе утрово градот Коња, во Централна Турција, каде синоќа беше почувствуван уште еден потрес од 4,5 степени по Рихтер.

Голема е можноста корисниците да бидат следени

Контролата на мисијата на шатлот „Дискавери“ ноќеска откажа две шанси за слетување во Вселенскиот центар Кенеди на Флорида поради лошото време, соопшти американската вселенска агенција НАСА.

Најмалку 31 лице загина во катастрофалните поплави предизвикани од поројните дождови во северозападниот дел на Турција, јавуваат турските медиуми.

Рецесија во САД е завршена, а економијата бележи раст, покажа последниот извештај на Американската централна банка – Федерални резерви (ФЕД).