Три деца, близнаци (момче и девојче) на седумгодишна возраст и син на возраст од четири години синоќа ги задавил со голи раце нивниот татко во луксузниот стан во кој живееле во загребската населба Млиново, по што пукал во себе.

Компанијата Фајзер објави дека нејзината вакцина против корона вирусот е ефикасна кај деца од 5 до 11 годишна возраст и дека наскоро ќе бара одобрување од американските власти за употреба.

Земјотрес со интензитет од 5,8 степени според Рихтеровата скала го погоди денеска југоисточниот дел на Австралија во близина на Мелбурн, објави Геолошкиот завод на САД, а на социјалните медиуми се емитуваат сцени на жители во паника кои излегуваат од своите домови. Земјотресот, кој бил на длабочина од само десет километри, ги потресе зградите во Мелбурн, вториот по големина австралиски град.

Вулканот на Ла Палма, остров на северозападниот архипелаг, еруптираше во неделата, исфрлајќи лава неколку стотици метри во воздух и испраќајќи ја кон Атлантскиот Океан.

Најмалку осум луѓе се убиени, а неколкумина повредени кога вооружен напаѓач отворил оган во Универзитетот во градот Урал во Перм, на околу 1.400 километри источно од Москва, по што бил ликвидиран. 

На 67 години по долго и тешко боледување почина најголемиот балкански текстописец Марина Туцаковиќ, потврди за Телеграф.рс нејзиниот сопруг Александар Радуловиќ Фута.

Франција објави дека итно ги отповикува своите амбасадори од Соединетите Американски Држави и Австралија откако официјална Канбера склучи договор за набавка на нуклеарни подморници со САД и Британија со што заврши договорот со Франција за набавка на конвенционални подморници. Францускиот министер за надворешни работи Жан Ив Ле Дријан вчера рече дека нивниот потег е оправдан земајќи ја предвид „сериозноста на соопштението“ испратено од САД и Австралија на 16 септември.

Албанскиот парламент ја одобри новата влада во која доминираат жени по пет месеци од одржувањето на парламентарните избори и убедливата победа на Социјалистичката партија која му овозможи на премиерот Еди Рама трет мандат.