Околу 60.000 потрошувачи останаа без електрична енергија на источниот брег на канадскиот остров Њу Фаундленд поради ураганот Лари, објави телевизијата Си-Би-Си.

Бројот на екстремно топли денови, во кои температурата достига 50 степени целзиусови, се дуплирале од 1980-тите години, покажува глобална анализа на Би-Би-Си.

Фармацевтската компанија Модерна објави дека развива нова вакцина против ковид во една доза, која комбинира засилувачка доза со експериментална вакцина против грип.

И денеска, како на секој 11 септември во изминатите 19 години, Америка повторно за момент ќе запре за да им изрази почит на речиси трите илјади луѓе што загинаа во ужасните терористички напади врз кулите-близначки на Светскиот трговски центар во Њујорк, врз Пентагон во Вашингтон, како и при уривањето на патничкиот авион во Пенсилванија.

Европската агенција за лекови (ЕМА) соопшти дека варијантата на коронавирусот позната како „Му“ може да биде причина за загриженост, иако сe уште нема докази дека ќе го надмине во моментот доминантниот сој Делта.

Кусо пред почетокот на говорот на грчкиот премиер Кирјакос Мицотакис, во рамките на Меѓународниот саем во Солун, во центарот на градот се случија инциденти меѓу демонстрантите и полицијата на протестот против вакцината и задолжителната вакцинација, јави МИА од Атина.

Загина рускиот министер за вонредни ситуации, Евгениј Зиничев, за време на воена вежба. Несреќата се случила додека Зиничев, спасувајќи лице за време на меѓусекторска вежба во Дудинка, во Краснојарската област, паднал од карпа.

За време на едно од најжешките лета во италијанската историја, папата Франциск им испрати 15.000 сладоледи на затворениците во два римски затвори, објави Ватикан вчера, а пренесува „Телеграм“.