Страшна сообраќајна несреќа рано утринава во српскиот град Смедерево – загинаа три лица. Од засега неутврдени причини, автобус преминал на спротивната лента и се судрил со патнички автомобил во кој се превезувале три лица. Сите тројца патници загинале на самото место на несреќата.

Група од 37 државни обвинители и адвокати од САД поднесоа тужба против Гугл, тврдејќи дека инсталирањето на оперативниот систем Андроид во мобилни апарати ја ограничува конкуренцијата и ги крши законите за еднаква конкуренција.

Вкупно 12 министри денеска си поднесоа оставка во Индија по катастрофалниот бран на ковид-19 кој го зафати државата. Денешните оставки се дел од голема реконструкција на кабинетот на индискиот премиер Наренда Моди во пресрет на изборите догодина.

Силна експлозија од засега непозната причина, одекнала вечерва во Дубаи. „Две противпожарни возила и други возила за итни случаи може да се видат како одат јужно од Дубаи на главниот пат што води кон Абу Даби“, јавил дописникот на Ројтерс.

Швајцарската Влада денеска соопшти дека ги укинува речиси сите ковид мерки, а до крајот на март останува само правилото за носење маски во јавниот превоз и во здравствените установи, како и изолација на пациентите заразени со ковид.

Сопствениците на грчките кафулиња и ноќни клубови се загрижени дека новите ограничувачки мерки, кои овозможуваат да се служат само гости што седат, ќе ја загрозат туристичката сезона, но велат дека ги прифаќаат доколку тоа спречи ширење на коронавирусот.

Двајца тинејџери синоќа биле убиени при напади со нож во Лондон, соопштува британската полиција. Нападите се случиле еден по друг, а биле одвоени неколку часа, пренесува Скај Њуз.

Нема преживеани при падот на рускиот авион што денеска се урна на рускиот Далечен исток, објавија руските новински агенции, повикувајќи се на спасувачките служби.