Паметна картичка со која не се потребни лозинки на телефоните

Ако ви досадило својот паметен телефон секој пат да го отклучувате со внесување на лозинка, овој уред секако е решение за вашиот проблем.
Станува збор за картичката Salt која уредот ќе го отклучи штом се најдете во негова близина, а уредот во облик на кредитна картичка автоматски ќе се заклучи штом се оддалечите 10-тина метри.
Salt по пат на Bluetooth се поврзува со iPhone или Android уредите, а ќе го извести корисникот штом се оддалечи од картичката. Исто така, авторите на овој уред советуваат Salt е најдобро да се чува во паричникот.
Компанијата од Чикаго за финансирање на овој проект на Kickstarter собрала повеќе од 82.000 долари.
Salt има иста должина и тежина како и стандардните кредитни картички, но малку е подебела поради батеријата која го стартува овој уред и има рок на траење од 18 месеци. Цената на Salt е 20 долари, а корисниците можат сами да ја наместат оддалеченоста на која Salt ќе го заклучи/отклучи телефонот.

Повеќе детали за тоа како работи овој уред можете да погледнете на следниот линк Salt.

{loadposition content9}