Facebook Messenger апликацијата се појави пред три години, а околу неа се појавија и многу контроверзи кои денес се актуелни.
Како што пренесува ajc.com, Facebook во последните неколку недели ги предупреди корисниците на Android и Apple дека апликацијата е задолжителна за да се задржи функционалноста на праќање и примање пораки. Сепак, незадоволните корисници не сакаат да ја превземат апликацијата, а за да им помогне и да ги објасни својствата на апликацијата, Facebook направи страница за поддршка на корисниците.
Што е Facebook Messenger? – Станува збор за бесплатна апликација која нуди многу повеќе од таа која досега ја користевте. Овозможува допишување без отворање на Facebook, допишување со луѓето кои ги имате во именикот а не сте пријатели на Facebook и телефонски разговори со луѓе во странство.
На кои уреди се однесува? – Моментално само корисниците на Android и Apple треба да ја инсталираат ако сакаат да продолжи функционалноста со пораките. Корисниците на компјутери и таблети не им е потребна оваа апликација.
Апликацијата не е нова – Иако апликацијата е направена во 2011 година, дури во последните неколку недели Facebook ги повикува корисниците на Android и Apple да ја превземат бидејќи во еден момент ќе им биде оневозможено да праќаат и примаат Facebook пораки.
Услови за давање на услуги – Исти како на главната страница од Facebook апликацијата
Facebook Messenger не ја превзема контролата над телефонот – Луѓето кои се загрижени поради можна злоупотреба на приватноста бидејќи апликацијата има пристап до контактите, ги снима разговорите и праќа пораки, Facebook го објаснува ова зошто мора да ги користи овие пристапи:
Снимањето на аудио записи: – Овозможува праќање на гласовни пораки, бесплатно телефонирање и праќање на видео материјал
Примање на смс пораки: – Ако додадете телефонски број на корисничката сметка на Messenger, можете да го потврдите телефонскиот број барајќи код кој се добива по смс.
Преглед на контактите: – Ова допуштање овозможува контактите да се додадат од телефонот на Messenger. Секогаш можете да престанете да ги синхронизирате контактите од телефонот во подесувањето на Messenger.
{loadposition content9}
