Успешно е локализиран пожарот во трафостаница во западен Лондон и спречено е негово понатамошно ширење. Пожарот предизвика масовен прекин на електричната енергија и без струја остави повеќе од 16 300 домаќинства. Пожарникарите воспоставија кордон од 200 метри како мерка на претпазливост, при што беа евакуирани околу 150 луѓе. Поради големиот чад, жителите беа советувани да ги држат прозорците и вратите затворени.
Поради пожарот кој предизвика прекин на електричната енергија на најголемиот меѓународен аеродром во Европа, лондонскиот „Хитроу“ ќе биде затворен во петок, соопшти компанијата „Хитроу ерпорт холдинг“.
