Грчкиот премиер Костас Караманлис денеска од шефот на државата Каролос Папуљас се очекува да побара распуштање на парламентот, откако синоќа најави предвремени избори.
Одлуката за распишување предвремени парламентарни избори, Караманлис ја образложи со тоа дека на државата и треба нов мандат за да излезе од економската криза.
Грчкиот премиер не објави датум за предвремените избиори, кои можат да се одржат еден месец по објавувањето.
Според некои најави, изборите би требало да се одржат на 4 октомври.
Четиригодишниот мандат на владата на Караманлис во нормални услови би завршил во 2011 година.
Грција е силно погодена од светската економската криза, особено во туризмот, бродоградбата и градежништвото.
{loadposition content9}
