Антонио Гутереш, генералниот секретар на Обединетите нации денес изјави дека ќе почне да се бараат начини со Москва и Киев за хуманитарен прекин на огнот во Украина.
Но, да бидеме јасни. Решението за оваа хуманитарна трагедија не е хуманитарно, тоа е политички. Затоа, апелирам на итен хуманитарен прекин на огнот, за да се овозможи напредок во сериозни политички преговори, насочени кон постигнување мировен договор заснован на принципите на Повелбата на ОН – истакна Гутереш.
Тој вели дека прекинот на непријателствата ќе овозможи да се испорача критична хуманитарна и ќе им овозможи на цивилите безбедно да се движат наоколу.
Тоа ќе спаси животи, ќе спречи страдање и ќе ги заштити цивилите – рече Гутереш.
Раководителот за организирање помош на ОН, Мартин Грифитс веќе оствари контакти, а Гутереш се надева дека тој ќе оди во Москва и Киев што е можно поскоро.
За еден месец војна, Русија и нанесе ужасни загуби и страдања на Украина. Цели населби беа бомбардирани, а цивили убивани, повредени и раселени. Опсадата и опкружувањето на клучните градови доведоа до недостиг на храна и вода, прекин на струја, недостиг на гориво и други проблеми за милиони граѓани.
