Препознајте ги знаците кој витамин ви недостасува

Ако поради утврден недостаток на некој витамин одлучите да земете додатоци во исхраната, водете сметка да не ја преминете препорачаната доза на витамини. Би требало да се внимава и кога земате витамински препарати и разни додатоци во исхраната.

Витамин Ц – Недостатокот на витамин Ц предизвикува склоност кон инфекции, изразени вени, модринки, склоност кон крварење. Ова се знаците при недостаток на овој витамин, а недостатокот може да се јави при физички и психички напори, за време на бременост и доење и при инфекции. Недоволно внесување на витамин Ц може да доведе и до авитаминоза, што најчесто се случува кај децата, алкохоличарите и постарите лица. Овој витамин е важен бидејќи ја поттикнува работата на имунолошкиот систем во борбата против инфекциите и бактериите. Овошјето и зеленчукот се природни извори на Ц витамин.

Витамин Д – Кај недостатокот на витамин Д ќе се почуствуваат промени на коскеното ткиво. Кај децата се воочува рахитис, а кај возрасните доведува до остеопороза. Превентивно се дава на бебињата за време на првата година од животот, а кај остеопорозата витаминот Д се дава во комбинација со калциум поради намалувањето на калциумот во коските. Затоа се смета дека здравјето на коските зависи од овој витамин, бидејќи без него тие стануваат слаби, се виткаат и се кршат. Омалаксаност, слабост, засилено потење исто така можат да бидат знаци за недостаток на витемин Д.

Витамин Е – Дефицитот на витамин Е во организмот не е видлив со некои знаци, туку симптомите се воочливи во крвната слика, па така показател за недостаток на витамин Е е намалената количина на црвени крвни зрнца.

Витамини од групата Б – При недостаток на витамин Б1 симптомите се невролошки пречки, слабост и грчење на мускулите, губење на помнењето…Сомптомите можат да вклучуваат и губење на апетитот, раздразливост и пореметување на системот за варење. При потполн недостаток на Б1 доаѓа до болеста бери-бери.

Дефицитот на витаминот Б2 е видлив на аглите од усните, околу кои често се појавуваат рани и оштетување на кожата. Кога го нема доволно во организмот доаѓа до иритација на очите при изложување на светло. Очите се уморни и осетливи на светлост, тешкотии во зараснување на рана, алергиски реакции и воспаленија на кожата.

Дефицитот на витамин Б3 се одразува со многу знаци како што се слаби мускули, општ замор, губење на апетит, проблеми со варењето и различни промени на кожата.

Недостаток на витаминот Б6 се јавува кај дијабетичари, постари лица и бремени жени. Тој е поврзан со болести на бубрезите, грчеви на рацете и нозете, се јавува воспаление на кожата, раздразливост, несоница и анемија. Тоа е витаминот кој ја регулира промената на расположението, ПМС и бројни ментални растројства.

За здрава кожа, коса и нокти е заслужен витаминот Б7, па така неговиот недостаток предизвикува промени на кожата и косата.

Фоланата киселина или витаминот Б9 е важна за синтезата на ДНК. Дефицитарност се јавува кај жени кои земаат контрацепција, лицата со проблеми со варењето и кај алкохоличарите. Голем недостаток на фолна киселина доведува до мегалобластична анемија, која означува недоволен број на црвени крвни зрнца.

Б12 е исто така важен за производство на генетскиот материјал. Недостаток на овој витамин се јавува најчесто кај бремени жени и алкохоличари, а знаците се губење на тежината, болки во грбот и трнење на рацете и нозете.

{loadposition content9}