Авион во сопственост на музичарот Винс Нил се судрил со паркиран авион додека се обидувал да слета на аеродромот Скотсдејл во Аризона вчера околу 14:39 часот по локално време, се вели во соопштението. Според информациите, едно лице загинало.
Пејачот на Mötley Crüe не бил во авионот во тоа време, но пилотот трагично загинал, се вели во соопштението на бендот на социјалните мрежи. Копилотот и двајцата патници, девојката на Винс (43) и нејзината пријателка се хоспитализирани, а нивните повреди се опишани како „не опасни по живот“. Таа се здобила со скршеници на ребрата.
Судирот во Скотсдејл доаѓа по трите големи воздушни катастрофи во САД во изминатите две недели. Комерцијален авион и армиски хеликоптер се судрија во близина на Вашингтон на 29 јануари, при што загинаа 67 луѓе.
Фото: Associated Press
