Психолозите тврдат дека постојат одредени знаци кои откриваат дека во суштина не сте среќни туку дека сами себе се уверувате во тоа.
Лицата кои се задоволни со својот живот не се секогаш родени под среќна ѕвезда. Се што постигнале во животот морале сами да се изборат и се задоволни дури и кога не поседуваат материјални добра, бидејќи сфаќањето на среќата е сепак лично чувство. Имено, многумина за себе ќе речат дека се многу задоволни од својот живот. Меѓутоа, психолозите тврдат дека постојат одредени знаци кои откриваат дека во суштина не сте среќни, туку сами себе се уверувате во тоа. Доколку препознаете некои знаци од овие, превземете нешто за тоа да се смени и навистина да бидете задоволни.
Премногу време поминувате пред ТВ
Ако гледањето телевизија станува ваша рутина која се повторува со часови од ден на ден, едноставно можеби сте незадоволни од животот. Посреќните луѓе слободното време го користат во прошетки, имаат хоби, се дружат со пријателите, или имаат некоја друга активност, но никако на гледање телевизија.
Повлекување во себе и несогласувања со другите
Повлекувањето во осаменост е сигурен знак за губење на животната радост. Научно е докажано дека лицата кои се друштвени и опкружени со пријателите и фамилијата се посреќни од оние кои многу време минуваат сами. Мирните и пријателски односи со околината се еден од главните показатели на среќа и смиреност.
Недоволно сон
Сонот и среќата се тесно поврзани, тврдат научниците. Доколку не спиете доволно, вашиот организам е почувствителен на дејството на кортизол, хормонот за стрес. Ако ги имате сите услови за квалитетен сон, а секоја ноќ се мачите да заспиете, тоа е знак дека не сте задоволни во потполност со својот живот.
Оптимизмот е важен
Ако не умеете да се справите со секојдневниот стрес, со време ќе станувате се понезадоволни. Стресното опкружување создава чувство на несигурност и доколку тоа потрае подолго ќе создаде незадоволство и напнатост. Најдобар начин, како-така, да се изборите со стресот е позитивното размислување и оптимизмот.
{loadposition content9}
