Протести во Тирана, демонстрантите бараа оставка од Рама
Вчера илјадници демонстранти излегоа на улиците на главниот град на Албанија, Тирана, за да протестираат против владата. Демонстрантите го повикаа долгогодишниот левичарски премиер Еди Рама да поднесе оставка.
Во главниот град на Албанија, Тирана вчера имаше сериозни нереди. Илјадници опозициски демонстранти се судрија со полицијата и фрлаа молотови коктели врз владините згради. Полицијата употреби солзавец за да ја растера толпата.
Пред седиштето на владеачката Социјалистичка партија демонстрантите запалија плакат со ликот на премиерот Еди Рама и извикуваа „долу диктатурата“. Протестите продолжија пред МВР и пред седиштето на градоначалникот на Тирана, кој доаѓа од владејачката партија. Според официјалните податоци, во судирите меѓу демонстрантите и полицијата повредени се десет полицајци.
Демонстрантите ја обвинуваат владејачката Социјалистичка партија на Рама за корупција, непотизам, изборна кражба, влијание врз судството и обиди да се замолчи опозицијата.
Еди Рама е премиер на Албанија од 2013 година и победи на три последователни избори.
