Стапи на сила контроверзниот Закон за забрана на протести во Украина и покрај насилните демонстрации против него кои втор ден продолжуваат низ улиците на Киев.
Законите се објавени во службениот весник „Глас на Украина“ и официјално се на сила, иако опозицијата и натаму бара нивно повлекување.
Законите кои пред четири дена ги потпиша претседателот на Украина Владимир Јануковиќ предвидуваат казни до 15 дена за поставување на шатори или бини на јавни места без одобрени од власта. Како и затворски казни до 5 години за луѓе кои ги блокираат државните згради и казни за оние кои демонстрираат со маски или кациги.
Со пиротехнички средства демонстрантите и ноќеска се судрија со украинската полиција. Триесетина демонстранти се уапсени, медиумите јавуваат и за голем број повредени, меѓу нив има и 26 новинари.
Претседателот Јанукович изрази загриженост за состојбата и повика на дијалог и компромис. Состојбата е сериозна и нередите можат да се прелеат во целата земја, додаде Јанукович. Но, според незадоволните граѓани, за преговори е премногу доцна.
{loadposition content9}
