©2008 - Сите права се задржани. Powered by TVM.


Меѓународна заштита

Расте бројот на барања за азил во ЕУ

Дестинациите на кои сакаат да стигнат се Франција, Германија, Италија и Шпанија. Половина од пријавените биле на возраст од 18 до 34 години.
 |  инфодеск  | 
Азил Европска унија

Агенцијата на ЕУ за азил (ЕУАА) денеска објави дека Европската унија минатата година примила 648 илјади барања за меѓународна заштита.

Тоа е за една третина повеќе во однос на 2020 година. Авганистанците и Сиријците се најголемата група баратели на азил.

Освен тоа, Унијата примила околу 3,4 милиони барања за привремена заштита од луѓе кои избегале од војната во Украина. Агенцијата соопшти дека од вкупно околу 6 милиони луѓе избегале од руската агресија, но дел од нив се вратиле во Украина.

Сиријците поднеле околу 117 илјади барања, додека Авганистанците 102 илјади. По нив следуваат граѓани на Ирак, Пакистан, Турција и Бангладеш.

Дестинациите на кои сакаат да стигнат се Франција, Германија, Италија и Шпанија. Половина од сите пријавени биле на возраст од 18 до 34 години, а околу 70 отсто од барателите се мажи.

ЕУ соопшти дека ги прифатила барањата за азил или заштита на 185 илјади луѓе.

Најголем процент усвоени барања имале жителите на Еритреја – 81 отсто, додека најнизок жителите на Грузија – 3 отсто.

Околу 770 илјади одлуки сè уште се на чекање, наведува Агенцијата на ЕУ.

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top