Силен земјотрес ги погоди островот Кос и Бодрум

Силен земјотрес со магнитуда од 6,7 степени предизвика мало цунами на медитеранскиот брег во Турција. Епицентарот на земјотресот бил во близина на Бодрум, се почуствувал и на грчките острови Кос и Родос, а како што соопштија локалните власти, досега имало двајца загинати.

Земјотресот се случил во 1 часот и 31 минута по полноќ.

Градоначалникот на Бодрум Мехмед Кочадон во изјава за Хуриет рекол дека сè уште е рано да се прават проценки на штетите.

Туристи на социјалните мрежи постираа слики од поплавени крајбрежни хотели и луѓе што се кријат под масите. Тие раскажуваат дека на плажите водата се дигнала за триесетина степени, а потоа имало и мало цунами кое предизвикало поплава во хотелите покрај плажите.

По главниот удар, кој според сведоштвата траел 30-тина секунди, забележани се уште неколку силни, но поумерени земјотреси со јачина од 5,1 и 4,6 степени.

Сеизмолозите изјавиле дека можно е да нема урнатини на брегот затоа што епицентарот бил под море и водата го амортизира главниот удар.