Земјотрес со јачина од 4,8 степени според Рихтеровата скала утринава е почувствуван во цела Босна и Херцеговина.
Според информациите на Европскиот медитерански сеизмолошки центар, епицентарот на земјотресот бил на 10 километри од Широки Бријег, а земјотресот бил почувствуван во Сараево, Мостар, Широки Бријег и Зеница, како и во Макарска, Тучепи и Плоче.
Се почувствува и кај нас – јавуваат од Далмација за хрватските медиуми.
Засега нема информации за евентуални штети или повредени.